بمناسبة فوز فخامة السيد : الرئيس عبد العزيز بوتفليــــــــــــقة

بُوتَفْلِيقَه طَلّْ كَالْبَدْرْ عْلِينـَــا ***** بِهْ احْيَاتْ بْلاَدْ وَ اتْفَاجَاتْ اهْمُومْ

َ الْجَزَايَرْ خَيْرَاتْهَـا صَبْحَتْ لِينَا***** وَاسْمَ الْجَزَايَرْ رَاهْ كَالنَّجْمَه مَرْقُومْ

بُوتَفْلِيقَه بِهْ وَ عْلِيهْ رْضَيْنَــا ***** رَايَسْنَا مَعْرُوفْ مُجـَـاهَدْ مَعْلُومْ

بُوتَفْلِيقَه اخْطَبْ وَ يْوَصِّي فِينَا ***** فِي الْجَزَايَرْ مُحَالْ مَا يَبْقَى مَظْلُومْ

وَ الشَّبَابْ عْلِيهْ نَقْلَعْ لَغْبِينَــه***** وَ السُّكْنَى لَلشَّعْبْ مَا يَبْقَى مَحْرُومْ

وَالسَّاكَنْ فِي الرِّيفْ وَاللاَّ لَمْدِينَه***** مَنْ حَقَّـهْ يْعيـِشْ امْعَزَّزْ مَرْحُومْ

وَ الْفَلاَّحْ مْعَ الْمَوَّالْ ابْغَيْنـَـا ***** نَعْفُوهُمْ مَنْ دَيْنْ مْسَجَّلْ مَرْسُـومْ

وَافْتَحْنَا طُرْقَانْ َو اسْدُودْ ابْنَيْنَا ***** وْ جَامِعَــاتْ اجْدَدْ مَبْنَيِّينْ الْيُومْ

الْجَزَايَرْ وَرْدَه وَاصْـلاَةْ انْبِينَا ***** اتْفَوَّحْ بَعْطُورْ وَ اْلمَسْكَ الْمَخْتُومْ

الْجَزَايَرْ قَلْعَه بَرْجَــالْ مْتِينَه ***** وَ ْالجَزَايَرْ قَمْرَه وَ اْلبُلْـَدانْ نْجُومْ

الْجَزَايَرْ تَارِيخْ فِي وَرْقَه زَيْنَه ***** وَعْدُوهَا لَبْدَا فِي حَـرْبَهْ مَهْزُومْ

الْجَزَايَرْ أَرْضْنَا أُمّْ احْــِنينَه ***** يَا رَبِّي خَيْرَاتْـــَها تَبْقَى وَ ْتدُومْ

الْجَزَايَرْ تَحْيـَـا وْ تَتْقَدَّمْ بِينَا ***** بَنْسَانَـا وَ ارْجَالْنــا نَبْنِي وَ انْقُومْ

وَاعْدُوهَا هَيْهَاتْ مَا يَغْدَرْ بِينَا ***** وْ خَايَنْهَا يَنْذَلّْ فِي عِيشَه مَذْمُـومْ

وَاحْنَا مَجْمُوعِينْ فِي وَسْطَ اسْفِينَه***** الْحَاكَمْ مَسْؤُولْ فِيـهَا وَ الْمَحْكُومْ

َارْفَعْ رَاسَكْ يَا "بَّا" وَ اسْمَعْ لِينَا ***** أَنْتَ حُـرّْ اعْزِيزْ فِي وَطْنَكْ مَقْيُومْ

هَذَا كْلاَمَه زَادْ مَنْ حُبَّـهْ فِينَا ***** رَايَسْنَا يَخْطُبْ وَ كْلاَمَــهْ مَفْهُومْ

بُوتَفْلِيقَه حُرّْ وَ اعْزِيزْ عْلِينَا ***** رَايَسْنَا يَبْقَى وَ اْلحُسَّـــــادْ تْلُومْ

هُوَ وَجْهَ الْخَيْرْ بَالْخَيْرْ يْجِينَا ***** وَرُّونَا كِيفَهْ بَالْحَكْمَــــهْ مَوْسُومْ

يَا رَبِّي يَا خَالْقِي حَفْظَهْ لِينَا ***** هُـَو رَايَسْنَــا يَا حَيُّ يَا قَيُّـــومْ
بوحميدة محمد بن عيسى _ العين الصفراء 2009

بمناسبة فوز فخامة السيد : الرئيس عبد العزيز بوتفليــــــــــــقة Bouteflika

وهذه دعم لقصيدتك الرائعة والعظيمة

شكرا لك يا أخي بوحميدة
و الله بوركة على قصيدتك هذه
و نتمنى أن يطيل الله في عمرك لتثرينا بأكثر من هذا

» وصفات للدكتور عبد الباسط السيد ادخلوا لن تندموا ابدا
» تحية إلى العمال بمناسبة عيد العمال
» تهاني بمناسبة عيد الفطر المبارك
» بمناسبة حلول شهر رمضان الكريم
» حوار خرفان منصفة ... هديتي لكم بمناسبة العيد